ಬ್ರೇಕ್ ಫೇಲ್ ಆಗಿ ಅಡ್ಡಾದಿಡ್ಡಿ ನುಗ್ಗಿದ ಬಿಎಂಟಿಸಿ ಬಸ್

ಬೆಂಗಳೂರು : ಬ್ರೇಕ್ ಫೇಲ್ ಆದ ಪರಿಣಾಮ ಬಿಎಂಟಿಸಿ ಬಸ್ ಒಂದು ಅಡ್ಡಾದಿಡ್ಡಿ ನುಗ್ಗಿದ ಘಟನೆ ನಗರದಲ್ಲಿ ನಡೆದಿದೆ.
ಲಗ್ಗೆರೆಯಿಂದ ಮೆಜೆಸ್ಟಿಕ್ ಕಡೆಗೆ ನಂದಿನಿ ಲೇಔಟ್ ಮಾರ್ಗವಾಗಿ ಹೋಗುತ್ತಿದ್ದ 252 ನಂಬರ್ ನ ಬಸ್ ನಗರದ ಕೂದಲಿನಗರದ ಬಳಿ ಬ್ರೇಕ್ ಫೇಲ್ ಆಗಿದೆ. ಘಟನೆಯಿಂದ ಸಾರ್ವಜನಿಕರು ಕೆಲಕಾಲ ಆತಂಕಕ್ಕೀಡಾಗಿದ್ದು, ಅದೃಷ್ಟವಶಾತ್ ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ.ಚಾಲಕನ ಸಮಯ ಪ್ರಜ್ಞೆಯಿಂದ ಸಂಭವಿಸಬಹುದಾದ ದೊಡ್ಡ ಅನಾಹುತ ತಪ್ಪಿದೆ, ಸ್ಥಳಕ್ಕೆ ರಾಜಾಜಿನಗರ ಟ್ರಾಫಿಕ್ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.