ಪಾಕ್ ಪ್ರಧಾನಿ ಟ್ವಿಟರ್ ಫಾಲೋ ಮಾಡಿದ ಕಾಶ್ಮೀರ ರಾಜ್ಯಪಾಲರ ಖಾತೆ ಹ್ಯಾಕ್

ಶ್ರೀನಗರ (ಮೇ. 01):ಜಮ್ಮು ಮತ್ತು ಕಾಶ್ಮೀರದ ರಾಜ್ಯಪಾಲ ಸತ್ಯಪಾಲ್‌ ಮಲಿಕ್‌ ಅವರು, ಪಾಕಿಸ್ತಾನದ ಪ್ರಧಾನಿ ಇಮ್ರಾನ್‌ ಖಾನ್‌ ಅವರನ್ನು ಟ್ವೀಟರ್‌ನಲ್ಲಿ ಫಾಲೋ ಮಾಡುತ್ತಿದ್ದಾರೆ ಎಂಬ ಸುದ್ದಿಯೊಂದು ಮಂಗಳವಾರ ಭಾರೀ ವಿವಾದಕ್ಕೆ ಕಾರಣವಾಯ್ತು.
ಉನ್ನತ ಸಾಂವಿಧಾನಿಕ ಹುದ್ದೆಯಲ್ಲಿರುವ ವ್ಯಕ್ತಿಯೊಬ್ಬರು, ವೈರಿ ದೇಶದ ಪ್ರಧಾನಿ ಟ್ವೀಟರ್‌ ಖಾತೆ ಫಾಲೋ ಮಾಡಿದ್ದು ಆರಂಭದಲ್ಲಿ ಇದು ಭಾರೀ ಕುತೂಹಲಕ್ಕೆ ಕಾರಣವಾಗಿತ್ತು. ಬಳಿಕ ಮಲಿಕ್‌ರ ಟ್ವೀಟರ್‌ ಖಾತೆಯನ್ನು ದುಷ್ಕರ್ಮಿಗಳು ಹ್ಯಾಕ್‌ ಮಾಡಿದ್ದ ವಿಷಯ ಬೆಳಕಿಗೆ ಬಂದಿದೆ. ಘಟನೆ ಕುರಿತು ರಾಜ್ಯಪಾಲರ ಕಚೇರಿ, ಪೊಲೀಸರಿಗೆ ದೂರು ಸಲ್ಲಿಸಿದೆ.