ರಸ್ತೆ ಅಪಘಾತ: ವಿಶ್ವಪ್ರಸಿದ್ಧ ಡಾನ್ಸರ್​​​​ ಸೇರಿ ನಾಲ್ವರ ದುರ್ಮರಣ

ಜೋಧ್​ಪುರ್​​: ಕಾರು ಅಪಘಾತದಲ್ಲಿ ವಿಶ್ವಪ್ರಸಿದ್ಧ ಜಾನಪದ ನೃತ್ಯಗಾರ ಹರೀಶ್​ ಕುಮಾರ್ ಸೇರಿದಂತೆ ನಾಲ್ವರು ದುರ್ಮರಣಕ್ಕೀಡಾಗಿರುವ ಘಟನೆ ರಾಜಸ್ಥಾನದ ಜೋಧ್​ಪುರದಲ್ಲಿ ನಡೆದಿದೆ.ಭಾನುವಾರ ಮುಂಜಾನೆ ಎಸ್​​ಯುವಿ ಕಾರಿನಲ್ಲಿ ಅಜ್ಮೀರದಿಂದ ಜೈಸಲ್ಮೇರ್​ಕ್ಕೆ ತೆರಳುತ್ತಿದ್ದ ವೇಳೆ ಇಲ್ಲಿಯ ಕಪರ್ದ ಬಳಿ ಟ್ರಕ್​ಗೆ ಕಾರು ಡಿಕ್ಕಿ ಹೊಡೆದಿದೆ. ಪರಿಣಾಮ ಹರೀಶ್​​, ರವೀಂದ್ರ, ಭಿಖೆ ಖಾನ್ ಹಾಗೂ ಲತಿಫ್​ ಖಾನ್ ಸ್ಥಳದಲ್ಲೇ ಕೊನೆಯುಸಿರೆಳೆದಿದ್ದಾರೆ. ಕಾರಿನಲ್ಲಿದ್ದ ಇನ್ನುಳಿದ ಐವರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಕಾರ್ಯಕ್ರಮವೊಂದರಲ್ಲಿ ಪಾಲ್ಗೊಳ್ಳಲು ತೆರಳುತ್ತಿದ್ದ ವೇಳೆ ಈ ದುರಂತ ನಡೆದಿರುವುದಾಗಿ ಪೊಲೀಸರು ಪ್ರಾಥಮಿಕ ತನಿಖೆಯಲ್ಲಿ ತಿಳಿದು ಬಂದಿದೆ.
ಘಟನಾ ಸ್ಥಳಕ್ಕೆ ಆಗಮಿಸಿದ್ದ ಕುಟುಂಬಸ್ಥರ ರೋದನ ಮುಗಿಲು ಮುಟ್ಟಿತ್ತು. ರಾಜಸ್ಥಾನದ ಮುಖ್ಯಮಂತ್ರಿ ಅಶೋಕ ಗೆಹ್ಲೋಟ್ ಮೃತರಿಗೆ ಸಂತಾಪ ಸೂಚಿಸಿದ್ದಾರೆ