ಬೆಂಗಳೂರು: ರೈಲ್ವೇ ಟಿಕೆಟ್ ಬುಕಿಂಗ್ ವೈಬ್ಸೈಟ್ ಆ್ಯಪ್ನಲ್ಲಿ ಅಸಭ್ಯ ಜಾಹಿರಾತು ಪ್ರಕಟವಾಗುತ್ತಿದ್ದು, ರೈಲ್ವೇ ಇಲಾಖೆ ವಿರುದ್ಧ ಸಾರ್ವಜನಿಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಸಾರ್ವಜನಿಕರು ರೈಲ್ವೇ ಟಿಕೆಟ್ ಬುಕ್ ಮಾಡೋಕೆ ವೈಬ್ಸೈಟ್ಗೆ ಹೋದರೆ ಅಲ್ಲಿ ಅಶ್ಲೀಲ, ಅಸಭ್ಯ ಜಾಹಿರಾತುಗಳದ್ದೇ ಕಾರುಬಾರು ಜಾಸ್ತಿಯಾಗಿದೆ. ಹೀಗಾಗಿ ಸಾರ್ವಜನಿಕರು ರೈಲ್ವೇ ಇಲಾಖೆ ಅಧಿಕಾರಿಗಳ ವಿರುದ್ಧ ಸಾಮಾಜಿಕ ಜಾಲತಾಣಗಳಲ್ಲಿ ತರಾಟೆ ತೆಗೆದುಕೊಂಡು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಸರ್ಕಾರಿ ಸ್ವಾಮ್ಯದ ವೆಬ್ಸೈಟ್ಗಳಲ್ಲಿ ಈ ರೀತಿ ಜಾಹಿರಾತು ಪ್ರಕಟವಾಗುವುದು ಎಷ್ಟರ ಮಟ್ಟಿಗೆ ಸರಿ ಅನ್ನೋದು ಸಾರ್ವಜನಿಕರ ಪ್ರಶ್ನೆಯಾಗಿದ್ದು, ಈ ಕೂಡಲೇ ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸಿದ್ದಾರೆ.
ಈ ವಿಚಾರ ಸಂಬಂಧಿಸಿದಂತೆ ರೈಲ್ವೇ ಇಲಾಖೆ ಅಧಿಕಾರಿಗಳನ್ನ ಕೇಳಿದ್ರೆ, ಅಶ್ಲೀಲ ಜಾಹೀರಾತುಗಳನ್ನ ಪ್ರಕಟ ಮಾಡಿರುವುದು ಗೂಗಲ್, ಹಾಗಾಗಿ ಅವರೆ ಇದಕ್ಕೆ ಹೊಣೆ. ಹಾಗೆಯೇ ಇದರ ಜವಾಬ್ದಾರಿಯನ್ನ ಕೇಂದ್ರ ರೈಲ್ವೇ ಇಲಾಖೆ ವಹಿಸಬೇಕು ಎಂದು ಹೇಳಿದ್ದಾರೆ.